جشنِ آزادی کی پُرتب و تاب تقریب کے موقع پر بلوچستان کی خواتین صوبے کا مثبت، روشن اور خوبصورت تشخص دنیا کے سامنے پیش کرنے کے لیے میدان میں آ گئی ہیں۔ تقریب میں بلوچستان کی سیاحت، ثقافت اور تاریخی ورثے کے فروغ میں خواتین کے مؤثر اور مثبت کردار کو بھرپور طریقے سے اجاگر کیا گیا۔
تقریب کے دوران خواتین کی شمولیت کے ذریعے بلوچستان کی سیاحتی اہمیت اور ثقافتی ورثے کو ملکی و بین الاقوامی سطح پر پذیریائی دلانے کے عزم کا اعادہ کیا گیا۔ اس موقع پر ڈائریکٹوریٹ آف ٹورازم (نظامت سیاحت) بلوچستان کی جانب سے اس امر پر زور دیا گیا کہ سیاحت کے شعبے میں خواتین کو مزید مواقع فراہم کیے جائیں گے تاکہ مقامی معیشت میں ان کا کردار مزید مضبوط ہو سکے۔
منتظمین کے مطابق جشنِ آزادی کی اس خصوصی تقریب کا بنیادی مقصد اتحاد، قومی یکجہتی اور خواتین سمیت معاشرے کے تمام طبقات کو ملکی ترقی میں اپنا فعال کردار ادا کرنے کا پیغام دینا ہے۔ بلوچستان کی باصلاحیت خواتین امن، سیاحت، ثقافت اور معاشی پیش رفت کے اس سفر میں ہراول دستے کا کردار ادا کرتے ہوئے صوبے کے پرامن اور ترقی پس
