خبر کدا)ویب ڈیکس(: بلوچ تاریخ ہزاروں سال پرانی ایک بہادر قوم کی داستان ہے جو غیرت، بہادری، مہمان نوازی اور ثقافتی احترام کی روشن مثالیں قائم کرتی آئی ہے۔ بلوچ روایات میں عورت، بچے اور بزرگ ہمیشہ عزت اور تحفظ کے مستحق سمجھے جاتے رہے ہیں، لیکن بی ایل اے (BLA) جیسی تنظیمیں ان روایات کو پامال کرتے ہوئے خواتین کو خودکش حملوں اور تشدد کے لیے استعمال کر رہی ہیں۔
نوجوان لڑکوں اور لڑکیوں کو سوشل میڈیا پر جعلی دوستی، محبت، مالی لالچ، ہنی ٹریپنگ اور بلیک میلنگ کے ذریعے اپنے جال میں پھنسایا جاتا ہے اور پھر انہیں مزید بھرتیوں کے لیے استعمال کیا جاتا ہے۔ یہ ایک مسلسل سائیکل ہے: ہنی ٹریپ، بلیک میل، جبری استحصال اور نئی بھرتی، جو بلوچ معاشرے کی قدیم غیرت، وقار اور روایات کو مسخ کر رہا ہے۔
جو عناصر عورت کی حرمت، بلوچ ضابطے، قبائلی اقدار اور ثقافتی روایات کو پامال کرتے ہیں، نہ وہ بلوچ روایات کو سمجھتے ہیں اور نہ ہی بلوچ اقدار کے امین ہیں۔ ایسے عناصر نے صرف اپنے ناپاک مقاصد کے لیے بلوچیت کا لبادہ اوڑھ رکھا ہے، کیونکہ بلوچ روایت میں عزت کی حفاظت ہوتی ہے، عزتوں کا سودا نہیں؛ بلوچ اپنی بیٹیوں کو تحفظ دیتا ہے، انہیں تشدد اور استحصال کا ہتھیار نہیں بناتا۔
