(ویب ڈیسک): بلوچستان کے ضلع نوشکی میں سیکیورٹی فورسز نے انٹیلی جنس معلومات پر مبنی ایک انتہائی اہم اور کامیاب کارروائی کرتے ہوئے فتنۃ الہندوستان (BLA) کے دہشت گردوں کے سیکیورٹیز اور خفیہ ٹھکانے کو کامیابی سے نشانہ بنایا ہے۔
اطلاعات کے مطابق “آپریشن رد الفتنہ 3” کے تحت کی جانے والی اس کارروائی میں سیکیورٹی فورسز نے جدید تکنیکی صلاحیتوں کا استعمال کرتے ہوئے مسلح کواڈ کاپٹر (Armed Quadcopter) سے دہشت گردوں کی پناہ گاہ پر پریسیشن اسٹرائیک (Precision Strike) کیا۔
اس فیصلہ کن اور انتہائی دقیق حملے کے نتیجے میں فتنۃ الہندوستان کے 7 خطرناک دہشت گرد موقع پر ہی جہنم واصل ہو گئے جبکہ ان کا ٹھکانہ مکمل طور پر تباہ کر دیا گیا۔ فورسز کی اس وقت پر کی گئی کارروائی سے شرپسندوں کے علاقے میں بدامنی اور تخریب کاری کے بڑے منصوبے ناکام بنا دیے گئے ہیں۔
سیکیورٹی ذرائع کا کہنا ہے کہ بلوچستان میں امن و امان کی صورتحال خراب کرنے اور عام شہریوں کی زندگیوں سے کھیلنے والے فتنۃ الہندوستان کے تمام نیٹ ورکس کے خلاف بلا تفریق اور حتمی کارروائیوں کا سلسلہ جاری رہے گا۔
