خبر کدا ویب ڈیکس: بلوچستان کے اضلاع پشین اور قلعہ عبداللہ میں قانون نافذ کرنے والے اداروں نے انٹیلی جنس پر مبنی بروقت اور مؤثر کارروائیاں کرتے ہوئے مجموعی طور پر 6 دہشت گردوں کو جہنم واصل کر دیا جبکہ 5 کو گرفتار کرنے میں کامیابی حاصل کی ہے۔ کارروائی کے دوران دہشت گردوں کے قبضے سے بھاری مقدار میں اسلحہ، گولہ بارود اور بارودی مواد بھی برآمد کیا گیا ہے۔
ریاستی عزم اور دہشت گردوں کے لیے واضح پیغام: یہ کامیاب کارروائیاں اس بات کا واضح اور دوٹوک ثبوت ہیں کہ امن دشمن عناصر کے خلاف ریاست کا آہنی ہاتھ بلا تعطل اور پوری قوت کے ساتھ حرکت میں ہے۔ بلوچستان کی سرزمین پر ملک دشمن اور دہشت گرد عناصر کے لیے اب چھپنے کی کوئی جگہ باقی نہیں بچی۔ پاکستان کی سیکیورٹی فورسز صوبے میں پائیدار امن، قانون کی حکمرانی اور عوام کے جان و مال کے تحفظ کے لیے ہر ممکن قدم اٹھانے کے لیے پرعزم ہیں۔
