30-10-2026
خبرکدا ویب ڈیکس: بلوچستان اسپیشل ڈویلپمنٹ انیشی ایٹو (BSDI) کے تحت صوبے بھر کے تعلیمی اداروں کو شمسی توانائی پر منتقل کرنے کے منصوبے تیزی سے جاری ہیں۔ اس سلسلے میں بی ایس ڈی آئی فیز 1 کے تحت ضلع کیچ کے علاقے ہوشاب میں واقع گورنمنٹ بوائز ہائی اسکول کی سولرائزیشن کا کام کامیابی سے مکمل کر لیا گیا ہے۔
ذرائع کے مطابق 50 لاکھ روپے کی لاگت سے تیار ہونے والا یہ منصوبہ فروری 2025ء میں شروع کیا گیا تھا جسے مقررہ مدت کے اندر جون 2025ء میں مکمل کر لیا گیا۔ اسکول میں جديد سولر پینلز، بیٹریاں اور انورٹرز نصب کیے گئے ہیں تاکہ طلباء اور اساتذہ کو بغیر کسی تعطل کے بجلی کی فراہمی یقینی بنائی جا سکے۔
سولرائزیشن کے اس منصوبے کی مکمل ہونے سے ہوشاب اور اس کے گردونواح کے سو سے زائد طلباء کو لوڈشیڈنگ اور بجلی کی بندش سے نجات مل گئی ہے، جس سے علاقے میں ایک معيارى اور سازگار تعلیمی ماحول میسر آئے گا۔
بلوچستان اسپیشل ڈویلپمنٹ انیشی ایٹو کا یہ اقدام صوبائی حکومت کے اس عزم کی عملی تعبیر ہے جس کا مقصد دور دراز علاقوں کے عوام اور بالخصوص طلباء کو بنیادی سہولیات کی فراہمی اور تعلیمی معیار کو بلند کرنا ہے۔
