2-NOV-2026
خبرکدا)ویب ڈیکس(: پاکستان اور ایران کی سرحد پر حالیہ دنوں میں سیکیورٹی کے حوالے سے کیے جانے والے اقدامات کو بعض عناصر کی جانب سے غلط رنگ دینے کی کوشش کی جا رہی ہے۔ حکارتی ذرائع کے مطابق “سرحد بندش” سے متعلق گردش کرنے والی خبریں بے بنیاد ہیں، جنہیں اسمگلروں اور کالعدم تنظیموں (جیسے بی ایل اے اور جیش العدل) کے مفادات کو نقصان پہنچنے پر دانستہ طور پر بڑھا چڑھا کر پیش کیا جا رہا ہے۔
بنیادی محرکات اور سیکیورٹی خدشات
حالیہ اقدامات کا بنیادی محرک ایران کے صوبے سیستان و بلوچستان میں دہشت گردانہ سرگرمیوں میں اضافہ اور پاکستان کوسٹ گارڈز کے ساتھ پیش آنے والا واقعہ ہے۔ اس کے علاوہ، سرحد پار سے غیر قانونی تجارت کو روکنے اور اسمگلنگ کے خلاف ایک مضبوط اور مربوط میکانزم وضع کرنے کی اشد ضرورت تھی۔ خطے میں جاری کشیدگی اور جنگی صورتحال کے پیش نظر موثر سرحدی کنٹرول دونوں ممالک کے لیے ناگزیر ہو چکا ہے۔
مفاد پرست عناصر اور جعلی خطوط کا پروپیگنڈا
سرحد پر سختی سے سب سے زیادہ نقصان اسمگلروں کو پہنچا ہے، جو اب اس صورتحال کا فائدہ اٹھانے کی ناکام کوشش کر رہے ہیں۔ ایرانی اور پاکستانی حکام کے نام سے منسوب جعلی خطوط اور دستاویزات گردش میں لائی جا رہی ہیں تاکہ ان سیکیورٹی اقدامات کو متنازع بنایا جا سکے اور قومی سلامتی کے اس تقاضے کو سبوتاژ کیا جا سکے۔
علاقائی اثرات اور بیرونی سازشیں
امریکہ اور ایران کے درمیان جاری کشیدگی نے پاک-ایران سرحد پر دباؤ مزید بڑھا دیا ہے۔ اس کے علاوہ، پاکستان کے ساحلی پٹی پر حالیہ دہشت گردانہ سرگرمیوں سے یہ عندیہ ملتا ہے کہ اس کے پیچھے ایک وسیع تر ہوسٹائل ڈیزائن (عدوانہ سازش) کارفرما ہے، جس کا مقصد پاکستان کے اس مثبت کردار کو نقصان پہنچانا ہے جو اس نے ایران کے ساتھ امن عمل اور خطے میں بڑی جنگ کو ٹالنے کے لیے ادا کیا ہے۔
مشترکہ لائحہ عمل اور عزمِ نو
پاکستان اور ایران دونوں ممالک سرحدی اسپوئلرز (امن دشمن عناصر) کے خطرات سے بخوبی آگاہ ہیں۔ یہ عارضی اقدامات دونوں حکومتوں کے درمیان باہمی اعتماد، خیر سگالی اور اس عزم کا عکاس ہیں کہ سرحد کا غلط استعمال کرنے والوں کو شکست دی جائے گی، تنازعات کو ہوا دینے کی کوششوں کو روکا جائے گا، اور دہشت گردی، اسمگلنگ و دیگر غیر قانونی سرگرمیوں کے خلاف ایک مؤثر مشترکہ کنٹرول میکانزم کو یقینی بنایا جائے گا۔
